Beauty Tips » Friendship Poetry

Dosti achchi ho

Kiran — Tue, 11 Nov 2008 20:27:37 +0000

Dosti achchi ho toh rang laati hai,
Dosti gehri ho toh sabko bhaati hai,
Dosti naadaan ho toh toot jaati hai,
Par agar dosti apne jaisi ho….
…. Toh itihaas banaati hai !

Jaan hai mujhko zindagi se pyaari,
Jaan ke liye kar doon kurbaan yaari,
Jaan ke liye todd doon dosti tumhaari,
Ab tumse kya chhupaana,
Tum hi toh ho jaan hamaari !

Tumse doori ka ehsaas sataane lagaa,
Tere saath guzaraa har lamha yaad aane laga,
Jab bhi tujhe bhoolne ki koshish ki aye dost,
Tu dil ke aur bhi kareeb aane laga !

Zindagi nahin humein doston se pyaari,
Doston pe haazir hai jaan hamaari,
Aankhon mein hamaari aansoon hai toh kya,
Jaan se bhi pyaari hai muskaan tumhaari !

Jasbaate ishq naakaam naa hone denge,
Dil ki duniya mein kabhi shaam naa hone denge,
Dosti ka har ilzaam apne sar par le lenge,
Par dost hum tumhe badnaam na hone denge !

Dosti toh sirf ek ittefaaq hai,
Yeh toh dilon ki mulaakaat hai,
Dosti nahi dekhti yeh din hai ki raat hai,
Isme toh sirf wafaadaari aur jasbaat ha

WAQT NAHI ” Har khushi Hai

Ashi — Sun, 09 Nov 2008 20:09:17 +0000

WAQT NAHI ”

Har khushi Hai Logon Ke Daman Mein,
Par Ek Hansi Ke Liye Waqt Nahi.
Din Raat Daudti Duniya Mein,
Zindagi Ke Liye Hi Waqt Nahi.

Maa Ki Loree Ka Ehsaas To Hai,
Par Maa Ko Maa Kehne Ka Waqt Nahi.
Saare Rishton Ko To Hum Maar Chuke,
Ab Unhe Dafnane Ka Bhi Waqt Nahi.

Saare Naam Mobile Mein Hain,
Par Dosti Ke Lye Waqt Nahi.
Gairon Ki Kya Baat Karen,
Jab Apno Ke Liye Hi Waqt Nahi.

Aankhon Me Hai Neend Badee,
Par Sone Ka Waqt Nahi.
Dil Hai Ghamon Se Bhara Hua,
Par Rone Ka Bhi Waqt Nahi.

Paison ki Daud Me Aise Daude,
Ki Thakne ka Bhi Waqt Nahi.
Paraye Ehsason Ki Kya Kadr Karein,
Jab Apane Sapno Ke Liye Hi Waqt Nahi.

Tu Hi Bata E Zindagi,
Iss Zindagi Ka Kya Hoga,
Ki Har Pal Marne Walon Ko,
Jeene Ke Liye Bhi Waqt Nahi……..

Lab0n Per Aakhri Dam Hai Kabhi Milne ChaLe Aao,

Ashi — Sun, 09 Nov 2008 20:04:43 +0000

Lab0n Per Aakhri Dam Hai Kabhi Milne ChaLe Aao,
Tumhare Bin Bhari Basti Hamein Wiraan Lagti Hai,
Aaj Phir Wohi Saawan Hai,Aaj Phir Wohi Barish Hai,
Aaj Phir Wohi Haari Hui Meri Qismat Hai,

Aaj Phir Wohi Teri Yaad Hai….

Phir Wohi Sham Aur Wohi Tanhai……..
Phir Wohi Raat Aur Wohi Tanhai…….
Phir whoi Tumhari Yaad Aur Wohi Tanhai…..
Phir wohi Dukh Bhari Dastan….
Phir wohi ….
Mein Aur Meri Tanhai………!!!

Dua ko haath uthayen to dil larazta hai ke

Ashi — Sun, 09 Nov 2008 20:02:31 +0000

Dua ko haath uthayen to dil larazta hai
ke pad na jaye khud apni nazar wahan ke jahan
naseeb likkha gaya
pattharon ke harfon se
hatheliyon ki lakeeron ke syaah khalaon me
kabhi shabon ke kisi karbnaak lamhon me
koi karaah jo ajaaye bhool kar labb pe
to haul haul se jate hain hausle saare
ke taar taar samaa-at ke zakhm pehle hi
dukhe huye hai sadaon ki narasayi se
kaise batayen ke jeeven ke kaarzaar me hum
shikaste zaat ki tasveer me muqeed hain
janam liyaa hai to ab tak kai zamano se
hum ek tai-shudaa taqdeeer me muqeed hain

Chand he rooz nigahon se hoe thi oujhal chand he din teri

Ashi — Sat, 08 Nov 2008 20:09:43 +0000

Chand he rooz nigahon se hoe thi oujhal
chand he din teri awaaz nahi aae thi
mujh ko mehsoos magar aisa hoa tha jiasay
kitni benoor se berang se sadiyan beteen
Es khalish ka tujhay ehsaas nahi hai shayed
jis ne weran-e-dil aur barha rakhi hai
in nigahon ki jalan ka bhe pata kia tujhko
jo tujhay dekh k shadaab raha karti hain
Ye tu main hon teri yadon se nahi hon ghafil
ye bhe main hon k her ek taar nafas main jis k
eak jannat teri yadon ki basi hai aay dost
aise jannat k jahan tray siwa koe nahi
apnay jazbaat ki haiddat se nahi hon mayous
teray jazbon pe beharhaal nahi zoor mera
main ne mana k tera lams muqaddar main nahi
mujh se tu door ho ye bhe mujhay manzoor nahi

suna hoga bohat tum ne …. kahiN aankhoN ki rim jhim

Ashi — Sat, 08 Nov 2008 20:06:35 +0000

suna hoga bohat tum ne ….

kahiN aankhoN ki rim jhim ka

kahin palkoN ki shabnam ka…

parha hoga bohat tumne ….

kahiN lehjay ki barish ka

kahiN sagar ke aansoo ka…

magar tum ne kabhi humdam …

kahin daikhay? kahin parkhay?

kisi tehreer ke aansoo??…!!

mujhe teri judaai ne …

yehi mairaaj bakhshi hai…

ke main jo lafz likhta hooN …

woh saray lafz rotay hain

ke main jo harf bunta hooN …

woh saray bain kartay hain

mere sang is judaai main …

mere alfaz martay hain

sabhi tareef kartay hain …

meri tehreer ki lekin..

kabhi koi nahin sunta …

mere alfaz ki siski…

falak bhi jo hila daalay..

mere lafzoN main hain shamil …

usi taseer ke aansoo…

kabhi daikho mere humdam…

meri tehreer ke aansoo..!!!

Bisaat-e-jaan pe azab utarte hain kis tarah Shab-o-roz dil pe

Ashi — Sat, 08 Nov 2008 20:05:35 +0000

Bisaat-e-jaan pe azab utarte hain kis tarah

Shab-o-roz dil pe ataab utarte hain kis tarah

Kabhi ishq ho to pata chaley

Ye jo log se chuppey huey hain pas-e-dostaan

To ye kon hain?

Ye jo rog se hain chuppe huey pas-e-jism-o-jan

To ye kis liye?

Ye jo kaan hain meri aahaton pe lagey huey

To ye ku bhala?

Ye jo hont hain saf-e-dostaan main siley huey

To ye kis liye?

Ye jo iztaraab racha hua hai wajood main

To ye kun bhala?

Ye jo sang sa koi aa gira hai jamood main

To ye kis liye?

Ye jo dard dil main chira hua hai lateef sa

To ye kab se hai?

Ye jo putliyon main hai aks koi khafeef sa

So ye kab se hai?

Ye jo aankh main koi baraf si hai jami hui

To ye kis liye?

Ye jo doston main nai nai si kami hui

To ye kyun bhala?

Ye jo log peechey parey huey hain fazool main

Unhain kya pata unhain kya khabar?

Kisi raah k kisi mor per jo unhain zara

Kabhi ishq ho to pata chaley?

Mera tamam fann meri kawish mera riyaaz ek natamam geet ke

Ashi — Sat, 08 Nov 2008 20:00:07 +0000

Mera tamam fann meri kawish mera riyaaz
ek natamam geet ke misre hain jinke beech
maani ka rabt hai na kisi qafiye ka mel
anjaam jiska tay na ho, ho ek aisa khel
meri mataaa bas yahi jadoo hai ishq ka
seekha hai jisko maine badi mushkilon ke saath
lekin ye sehar-e-ishq ka tohfaa ajeeb hai
khulta nahi hai kuchh bhi ke haqeeqat me kya hai yeh
taqdeer ki ataa hai ya koi sazaa hai yeh
kisse kahen e jaan ke yeh qissa ajeeb hai
kehne ko yun to ishq ka jadoo hai mere paas
par mere dil ke waste itna hai iska bojh
seene se ek pahaad sa hatta nahi hai teh
lekin asarr ke baab me halka hai is qadar
tujh par agar chalaun to chalta nahi hai yeh

osti se qeemti koi jageer nahi hoti

Ashi — Sat, 08 Nov 2008 10:33:32 +0000

Dosti se qeemti koi jageer nahi hoti,

Dosti se khubsurat koi tasweer nahi hoti,

Dosti to hai aik kacha dhaga,

Is dhagey se mazboot koi zangeer nahi hoti,

Agar Tum Pass Hota To…..

Kiran — Fri, 07 Nov 2008 20:11:54 +0000

Agar Tum Pass Hote To Karam Ki Inteha Karta….

Tumha Palkon Pa Rakhty Hum….

Tumha Dil Mein Basate Hum….

Agar Tum Ruth Jaty To Kitna Manaty Hum….

Tumhari Galtion Ko Bi Hassi Meiin Ura Dete Hum….

Agar Tumhari Khata Hoti To Khud Ko Saza Dete Hum….

Magar.

Yeh Sab Jab Hi Hota Agar Pass Hota Hum