Dua ko haath uthayen to dil larazta hai
ke pad na jaye khud apni nazar wahan ke jahan
naseeb likkha gaya
pattharon ke harfon se
hatheliyon ki lakeeron ke syaah khalaon me
kabhi shabon ke kisi karbnaak lamhon me
koi karaah jo ajaaye bhool kar labb pe
to haul haul se jate hain hausle saare
ke taar taar samaa-at ke zakhm pehle hi
dukhe huye hai sadaon ki narasayi se
kaise batayen ke jeeven ke kaarzaar me hum
shikaste zaat ki tasveer me muqeed hain
janam liyaa hai to ab tak kai zamano se
hum ek tai-shudaa taqdeeer me muqeed hain